【爆笑武林故事】
自古有人，就有武林。
有武林，就一定會有鬥爭！
為咗爭奪武林正宗寶座，所有門派都四出招收弟子，有門派話只要加入，就保足一世，亦有門派話只要加入，以後邊個敢動一根汗毛，就賠雙倍。
物極必反，各門派吹得愈大，大家對佢地嘅信任就愈低，武林從此充滿住猜忌。
有一日，各門派嘅盟主都收到一個神秘訊息…
「想爭奪武林正宗，上黎壽寶山！」北斗之拳傳人拳三郎收到。
「想爭奪武林正宗，上黎壽寶山！」南拳KOL南拳爸爸都收到。
「想爭奪武林正宗，上黎壽寶山！」龜殼仙人又收到。
「Hi，want some HOT pic？」太極僧人…
當武林各門派知道有一本由蓋世保所著嘅《蓋世保鑑》，裡面藏有至尊秘笈，所以引來各路英雄Call齊人馬聚集壽寶山，想一探究竟。
點知，都未行近山腳，就已經見到條人龍…
原來個個門派都想得到《蓋世保鑑》，其中一個自稱係丐幫嘅弟子，平日連食飯都唔畀錢，當然唔會排隊啦。
其他人見到有人想捷足先登，二話不說就大打出手。
有門派未驚過，齊聲唱住：「奔波的風雨裏不羈的醒與醉～」拎住把西瓜刀衝入人群。
亦有門派為咗贏得保鑑，使出陰招想放火燒森林嚟個一鍋熟。
太極僧人仲留喺屋企，因為佢受到暗算，開埋啲唔知咩網頁，電腦中左毒。
就喺呢個時候，一直暗中監視門派一舉一動嘅蓋世保就出現。
「你邊位啊？！」有少少禿頭嘅Simon吹雪用劍指向蓋世保。
「我叫蓋世保，係嚟主持公道。」
「主持？！你憑咩啊！」隻腳有風濕嘅獨臂刀加把嘴。
「就憑我呢本！《蓋世保鑑》！」
各門派見到蓋世保手上嘅保鑑立即停手。
「原來喺你手上，立即交出嚟！」有近視嘅少理飛刀大喝一句。
估唔到蓋世保話：「你想要？想要咪出聲囉，我一定畀你㗎。」
「畀？！咁著數？真定假啊？」丐幫幫主。
「我蓋世保講嘅資訊，一向係最可信！最公正！」
原來蓋世保一直想將寶鑑公諸於世，將中立可信嘅保險資訊傳授畀世人，等大家可以強身自保。
所以，蓋世保根本就想將《蓋世保鑑》印成傳單周圍派…
但諗深一層，派傳單好似唔夠潮，又唔環保。所以蓋世保為咗令所有人都知道《蓋世保鑑》嘅大智慧，特登開左個專頁，圖文並茂論述保險資訊。
Hi～Want some 公平公正資訊？
留意蓋世保鑑專頁啦！
會經常有唔同嘅資訊更新，只要有疑惑，一查便知龍與鳳！
（利申：網頁無毒，太極僧人都唔驚）
Search